Íslandsmót unglinga í badminton fór fram í TBR húsinu helgina 14.-16.apríl. 50 BH-ingar tóku þátt og stóðu sig vel. Mikið var um góða baráttu hjá okkar fólki og spennandi þriggja lotu leiki. Sex Íslandsmeistaratitlar og 21 silfurverðlaun komu með heim í Strandgötuna að móti loknu.
Gabríel Ingi Helgason náði þeim frábæra árangri að sigra þrefalt í U19 flokknum á mótinu sem er mikið afrek. Auk þess að sigra í einliðaleik vann hann tvíliðaleikinn með Kristiani Óskari Sveinbjörnssyni sem einnig er í BH og tvenndarleikinn með Maríu Rún Ellertsdóttur úr ÍA.
Katla Sól Arnarsdóttir sigraði tvöfalt í U15 flokknum, í einliðaleik og tvíliðaleik ásamt Emmu Katrínu Helgadóttur úr Tindastól. Hún vann einnig silfurverðlaun í tvenndarleik ásamt Rúnari Gauta Kristjánssyni úr BH.
Silfurverðlaunahafar BH á mótinu voru auk ofantalinna:
Kristín Eldey Steingrímsdóttir, 2.sæti í einliðaleik U11
Matthildur Thea Helgadóttir, 2.sæti í tvíliðaleik í U13
Laufey Lára Haraldsdóttir, 2.sæti í tvíliða- og tvenndarleik í U13
Hákon Kemp, 2.sæti í tvíliðaleik í U13
Lúðvík Kemp, 2.sæti í tvíliða- og tvenndarleik í U13
Gísli Fannar Dagsson, 2.sæti í einliðaleik í U15B
Björn Ágúst Ólafsson, 2.sæti í tvíliðaleik í U15
Snædís Sól Ingimundardóttir, 2.sæti í einliðaleik í U17B
Lena Rut Gígja, 2.sæti í tvíliða- og tvenndarleik í U17
Halla Stella Sveinbjörnsdóttir, 2.sæti í tvíliðaleik í U17
Stefán Logi Friðriksson, 2.sæti í tvíliðaleik í U17
Mikael Bjarki Ómarsson, 2.sæti í einliðaleik í U19B
Stefán Steinar Guðlaugsson, 2.sæti í tvíliðaleik í U19
Guðmundur Adam Gígja, 2.sæti í tvíliðaleik í U19
Jón Sverrir Árnason, 2.sæti í tvenndarleik í U19
Óskum öllum verðlaunahöfum innilega til hamingju með frábæran árangur. Nánari úrslit má finna hér á tournamentsoftware.com.
Myndir af öllum keppendum og verðlaunahöfum BH má finna hér á Facebook. Mælum einnig með að skoða frábærar myndir á Facebook síðu TBR sem Árni Gestur Sigfússon tók.
Þökkum BSÍ og TBR fyrir vel skipulagt mót og frábæra umgjörð. Sérstaklega flott að fá eldra keppnisfólk félagsins til að dæma undanúrslita og úrslitaleiki mótsins á sunnudag.
