Allir með æfingar að hefjast aftur eftir sumarfrí

Badmintonfélag Hafnarfjarðar fór af stað með nýjan æfingahóp í janúar 2025 sem ber heitið Allir með í badminton. Hópurinn er fyrir fólk á öllum aldri með þroskahömlun, hreyfihömlun eða aðrar sérþarfir og áhuga á að prófa badminton. Æfingar hefjast á ný eftir sumarfrí sunnudaginn 6. september.

Æfingar Allir með hóps BH verða í vetur á sunnudögum kl.15:00-16:00 fyrir allan aldur og getustig. Einnig verður boðið uppá spilaæfingu á miðvikudögum kl.19:10-20:10 fyrir vana spilara 18 ára og eldri. Mælum með að allir byrji á sunnudögum og bæti svo miðvikudögunum við þegar þau eru komin vel af stað í íþróttinni.

Hægt er að fá lánaða spaða frítt á staðnum og tekið vel á móti öllum.

Þjálfari

Þjálfari hópsins er Sólrún Anna Ingvarsdóttir badmintonþjálfari og íþróttafræðingur en alltaf eru 2 þjálfarar henni til aðstoðar.

Skráning

Skráning fer fram í Abler:

Skráning í Allir með á sunnudögum 

Skráning í Allir með fyrir 18 ára og eldri á miðvikudögum

Velkomið að prófa 1-2 skipti áður en gengið er frá skráningu.

Aðstoð við skráningu veitir Anna Lilja í gegnum netfangið bh@bhbadminton.is eða síma 8686361.

Mót

Boðið verður uppá tvö mót fyrir Allir með hópinn í vetur, öll sem vilja geta stefnt á að taka þátt en það er að sjálfsögðu engin skilda. Fyrra mótið verður laugardaginn 14.nóvember og það síðara 25.apríl. Nánari upplýsingar koma síðar.

Sólrún Anna er þjálfari Allir með hóps BH

Jóel, Eyrún og Dalrós hafa verið í Allir með hóp BH frá upphafi. Þau hafa keppt á Íslandsleikum Special Olympics og Special Olympics festival í Danmörku.