Frábær mæting í bingó

Sunnudaginn 22. mars var iðkendum í barna og unglingahópum félagsins boðið í bingó í stað æfinga og opins tíma sem féllu niður vegna Íslandsmóts í borðtennis. Um 100 manns mættu og var þétt setið í græna salnum. Sólrún og Una þjálfarar voru bingóstjórar og voru páskaegg, gjafabréf frá RSL og snyrtivörur frá Dekra heildverslun í verðlaun. Spilað var um 6 stóra vinninga, 10 litla og svo fengu allir lítið páskaegg áður en haldið var heim á leið.

Takk kærlega fyrir góða mætingu og aðstoðina við að bera stóla kæru iðkendur og foreldrar.

Þétt setið í græna salnum, um 100 iðkendur mættu ásamt foreldrum.