BH í 2.sæti í Deildakeppni BSÍ

Deildakeppni BSÍ 2025-2026 var spiluð á tveimur keppnishelgum, í nóvember og mars. Keppt var í 1. deild og 2. deild og átti BH fimm lið í keppninni. Lið BH urðu í 2.sæti í bæði 1. og 2. deild.

BH - B var í 2.sæti í 1. deild og ansi nálægt því að ná 1. sætinu en það var TBR-A sem sigraði. BH-H voru í 3.sæti og BH/TBS Bakverðir í 5.sæti í deildinni.

BH - Vindhögg var í 2.sæti í 2. deild. Deildin var mjög jöfn en þrjú lið voru jöfn að stigum og þurfti að telja lotur til að útkljá hver fengi silfrið. BH - Kleinur urðu í 6.sæti í deildinni.

Úrslit allra leikja má finna hér á tournamentsoftware.com.

BH - B liðið sem var í 2.sæti í 1. deild. Í liðinu voru: Hákon, Jón Sverrir, Lúðvík, Erik Valur, Sigurður, Katla Sól, Hrafnhildur Edda.

BH - Vindhögg liðið sem var í 2. sæti í 2. deild. Í liðinu voru: Aron Snær, Birkir Darri, Hilmar Karl, Angela Líf, Birnir Hólm, Þórdís María. Á myndina vantar Snædísi Sól.