Laugardaginn 5.maí 2018 heldur Badmintonfélag Hafnarfjarðar Snillingamót BH í Íþróttahúsinu við Strandgötu fyrir unga badmintonsnillinga í aldursflokkunum U9 og U11.
Mótið er með svolítið öðru sniði en þekkist í eldri flokkum því spilað verður á minni völlum til að fá meira spil og vonandi betri upplifun fyrir krakkana. U11 spila á hefðbundnum hálfum velli. U9 spila á hálfum velli og notast við næst öftustu endalínu ásamt því að netið verður lækkað ca. 30 cm. Hver leikur er ein lota í 21 stig og fær hver leikmaður a.m.k. 4 leiki.
Þetta mót hentar jafnt fyrir byrjendur og lengra komna því skipt verður í hópa eftir getustigi.
Þátttökugjald er 1.000 krónur á mann. Allir þátttakendur fá glaðning í mótslok.
Dagskrá mótsins
U9 (fædd 2009 og síðar)
mæta kl.09:45
spila kl.10:00-12:30
U11 (fædd 2007 og 2008)
mæta kl.12:45
spila kl.13:00-15:30
Skráningu lýkur miðvikudaginn 2.maí. Foreldrar BH-inga sem vilja taka þátt þurfa að senda nafn og kennitölur þátttakenda bhbadminton@hotmail.com.
Commenti