Jólafrí

Þá er jólamánuðurinn runninn upp með sinni gleði og frídögum. Það verður jólafrí hjá okkur í BH frá 23. desember til 1. janúar. Síðasta æfing fyrir jól verður mánudaginn 22. desember og fyrsta æfing á nýju ári föstudaginn 2.janúar.

Á síðustu æfingum fyrir jól verða þjálfarar í sérstöku jólastuði. Verða með eitthvað sprell á æfingum og gefa góðgæti. Hvetjum öll til að mæta í rauðu og með jólasveinahúfur þessar síðustu æfingar fyrir jól.

Mánudaginn 29. desember verður opinn tími fyrir BH-inga og fjölskyldur kl.16:00-18:00. Tilvalið fyrir þau sem langar að koma og leika sér saman í badminton í jólafríinu.

Þjálfarar verða auk þess með nokkrar aukaæfingar fyrir keppnisfólkið okkar milli jóla og nýárs sem er að undirbúa sig fyrir mót í byrjun janúar. Allar æfingar koma inní Abler.

Þriðjudaginn 30. desember verður íþrótta og viðurkenningahátíð Hafnarfjarðar haldin í Íþróttahúsinu við Strandgötu. Þar fá hafnfirskir Íslandsmeistarar viðurkenningar og íþróttafólk Hafnarfjarðar valið. Hátíðin hefst klukkan 18:00 og stendur yfir í um eina og hálfa klukkustund. Íslandsmeistarar og annað afreksfólk fær boð um að mæta í gegnum Abler.

Opnað verður fyrir skráningar í laus pláss á vorönn 19. desember.

Gleðilega hátíð kæru félagar.