Um helgina fer Meistaramót Íslands í badminton fram í TBR húsunum við Gnoðarvog. Keppt verður um Íslandsmeistaratitla í meistara, A og B flokkum fullorðina og öldungaflokkum. Als taka 117 manns þátt í mótinu, þar af 31 frá BH. Í fyrra átti BH sjö verðlaunahafa á mótinu (meðfylgjandi mynd).
Á föstudaginn verður spilað klukkan 17:30-21:00 og á laugardaginn klukkan 10:00-18:00. Undanúrslit hefjast klukkan 14:00 á laugardeginum en úrslitaleikir verða spilaðir á sunnudag.
Úrslitaleikir í meistaraflokki hefjast klukkan 11:00 á sunnudag og verður sýnt beint frá þeim á RÚV2 frá klukkan 11:00 og frá klukkan 12:10 á RÚV. Úrslitaleikir í A, B og öldungaflokkum hefjast klukkan 14:30 á sunnudag.
Niðurröðun og tímasetningar einstakra leikja má finna á tournamentsoftware.com.
Hvetjum alla iðkendur og annað badmintonáhugafólk til að mæta í TBR húsið um helgina og fylgjast með þessu stórmóti.
Áfram BH!