Dagskráin um helgina

Um helgina eru tvö badmintonmót á dagskrá hjá okkar fólki. Reykjavíkurmót barna og unglinga í TBR og Meistaramót UMFA í Mosfellsbænum. Hér fyrir neðan má sjá dagskrá og helstu upplýsingar um mótin. Hefðbundin æfingadagskrá verður í Strandgötu um helgina samkvæmt dagskrá í Abler ásamt opnum tíma á sunnudag kl.13:30-15:00.

Reykjavíkurmót barna- og unglinga

Mótið fer fram í TBR húsinu við Gnoðarvog. Um 100 leikmenn taka þátt í mótinu frá 5 félögum, þar af 23 frá BH.

Dagskráin í TBR er eftirfarandi:

Laugardagur

10:00-12:30 - U11 keppa í einliðaleik - Una og Sólrún þjálfarar

12:00-16:00 - U13-U17 keppa í tvíliðaleik - Siggi og Gerda þjálfara

Sunnudagur

10:00-14:00 - U13-U17 keppa í tvenndarleik - Siggi þjálfari

Niðurröðun og tímasetningar einstakra leikja má finna hér á tournamentsoftware.com. Með því að ýta á nafn leikmanns sjást allir leikir viðkomandi á mótinu. Athugið að niðurröðun er alltaf birt með fyrirvara um nauðsynlegar breytingar t.d. vegna forfalla og því mikilvægt að kíkja aftur á dagskrána kvöldið áður og jafnvel um morguninn áður en farið er á keppnisstað.

Meistaramót UMFA

Mótið fer fram í íþróttamiðstöðinni við Varmá í Mosfellsbæ. Um 60 leikmenn taka þátt í mótinu frá 5 félögum, þar af 17 frá BH.

Dagskráin í Mosó er eftirfarandi:

Laugardagur

10:00-17:00 - Einliðaleikur í öllum flokkum

Sunnudagur

09:00-13:00 - Tvíliðaleikur í öllum flokkum

13:00-18:00 - Tvenndarleikur í öllum flokkum

Niðurröðun og tímasetningar einstakra leikja má finna hér á tournamentsoftware.com. Með því að ýta á nafn leikmanns sjást allir leikir viðkomandi á mótinu. Athugið að niðurröðun er alltaf birt með fyrirvara um nauðsynlegar breytingar t.d. vegna forfalla og því mikilvægt að kíkja aftur á dagskrána kvöldið áður og jafnvel um morguninn áður en farið er á keppnisstað.

Mjög mikilvægt er að leikmenn mæti tímanlega á keppnisstað og láti Kjartan íþróttastjóra (s. 8235332) eða Önnu Lilju framkvæmdastjóra (s. 8686361)vita ef upp koma veikindi eða önnur forföll.

Gangi ykkur vel og góða skemmtun um helgina.

BH-ingarnir Hákon og Laufey á móti í TBR húsinu