Badmintonæfingar barna og unglinga hjá BH hefjast þriðjudaginn 5.september og badmintonæfingar fullorðinna 28.ágúst. Æfingatöflur má finna hér á vefnum. Vetrarstarfið í borðtennisdeild BH hefst 28.ágúst. Nánari upplýsingar má finna hér.
Börn og unglingar
Skráning í hópa barna og unglinga hófst 18.ágúst. Boðið verður uppá æfingar fyrir börn frá 1.bekk og uppí unglinga á framhaldsskólastigi. Skráning fer fram hér í Sportabler. Æfingar barna og unglinga hefjast 5.september.
Fullorðinshópar
Skráning í opna fullorðinshópa hófst 22.ágúst en því miður voru mjög fá pláss í boði og þegar orðið uppselt í alla hópa. Þau sem voru í fullorðinshópum í fyrra gengu fyrir og héldu langflestir áfram. Hægt er að skrá sig á biðlista hér í Sportabler. Æfingar fullorðinshópa hefjast 28.ágúst.
Örfáir vellir eru til leigu fyrir fjölskyldu og vinahópa á þriðjudags og miðvikudagskvöldum og í hádeginu á föstudögum. Eftirfarandi er laust og gildir reglan fyrstir senda póst á bh@bhbadminton.is fyrstir fá:
Þriðjudagar kl.22:00-23:00 - 81.250 kr/völlurinn fyrir tímabilið 29.ágúst til 28.maí
Miðvikudagar kl.22:00-23:00 - 81.250 kr/völlurinn fyrir tímabilið 30.ágúst til 29.maí
Föstudagar kl.11:50-12:50 - 115.000 kr/völlurinn fyrir tímabilið 1.september til 31.maí
Keppnishópar
Leikmenn í keppnishópum fengu sínar vetraræfingar inní Sportabler appið 22.ágúst. Íþróttastjóri BH, Kjartan Ágúst Valsson, sér um val á leikmönnum í keppnishópa. Hann er með netfangið kjartanvalsson@gmail.com.
Upplýsingafundur 7.september - Engar badmintonæfingar
Fimmtudaginn 7.september verða engar badmintonæfingar í Strandgötu en iðkendur 15 ára og eldri geta farið í ræktina milli kl.16 og 21. Þennan dag verður rafrænn upplýsingafundur fyrir iðkendur og foreldra þar sem starfið í vetur og skipulagið verður kynnt. Nánari tímasetningar koma þegar nær dregur.
Borðtennisæfingar
Borðtennisdeild BH er með æfingar í sal á 2.hæð í Íþróttahúsinu við Strandgötu. Æfingatöflu og nánari upplýsingar um starfið má finna hér á vefnum.
