Helgina 15.-17.nóvember fer Meistaramót BH og RSL 2024 fram í Íþróttahúsinu við Strandgötu. Mótið er hluti af mótaröð Badmintonsambands Íslands og mun flest af besta badmintonfólki landsins taka þátt, samtals 96 keppendur frá 9 félögum. Keppt verður í einliða, tvíliða og tvenndarleik í úrvals, 1. og 2. deild fullorðinna.
Vegna mótsins falla æfingar niður á föstudag frá kl.16 og allan sunnudaginn. Hvetjum iðkendur til að koma og horfa á, það er mjög góð æfing. Einnig er hægt að bjóða sig fram að starfa sem teljarar á mótinu og/eða vinna í veitingasölu í fjáröflunarskini (sjá nánar neðar í þessari frétt).
Í tilefni af 65 ára afmæli BH í haust verður afmælishappdrætti á meðan á mótinu stendur. Allir sem mæta á staðinn geta sett nafnið sitt alveg ókeypis í pott og verða dregnir út skemmtilegir vinningar fimm sinnum yfir helgina. Hvetjum íþróttaáhugafólk til að mæta í hús og fylgjast með spennandi keppni.
Dagskrá
Gróf dagskrá mótsins er eftirfarandi:
Föstudagur 15.nóvember
kl. 17:00-22:00 - Keppt í einliðaleik
Laugardagur 16.nóvember
kl.10:00-17:00 - Keppt í einliða- og tvenndarleik
Sunnudagur 17.nóvember
kl.10:00-15:00 - Keppt í tvíliðaleik
Niðurröðun og tímasetningar má finna hér á tournamentsoftware.com. Athugið að allar tímasetingar eru birtar með fyrirvara. Ekki er ólíklegt að tímaáætlun raskist ef mikið verður um langa leiki og einnig gætu leikir byrjað fyrr ef mótið gengur hraðar fyrir sig. Biðjum keppendur að vera mætta í hús 30 mín fyrir áætlaðan leiktíma. Einnig mikilvægt að láta vita strax ef upp koma veikindi eða önnur óvænt forföll á netfangið bh@bhbadminton.is.
Bein útsending
Boðið verður uppá beina útsendingu frá öllum völlum á mótinu á Youtube rás Badmintonfélags Hafnarfjarðar.
Teljarar
Iðkendum BH í U13 og eldri flokkum sem þekkja vel reglurnar og hafa keppt býðst að starfa sem teljarar á mótinu. Fimm vaktir eru í boði og fá teljarar gjafabréf í Joe & the juice fyrir hverja vakt ásamt því að fá að borða á milli leikja. Áhugasamir geta skráð sig í Sportabler eða með því að senda póst á bh@bhbadminton.is. Athugið að það hafa stundum færri komist að en vilja í teljarastörfin og því hvetjum við þá sem vilja telja til að hafa samband sem fyrst.
Eftirfarandi teljaravaktir eru í boði (hámark 3 á mann): 1. Föstudag kl. 16:45-21:45
2. Laugardag kl. 9:45-13:30
3. Laugardag kl. 13:15-17:15
4. Sunnudag kl. 9:45-13:00
5. Sunnudag kl. 12:45-16:00
Veitingasala
BH-ingar sem hafa áhuga á að vera með veitingasölu á mótinu geta skráð sig hér. Hagnaður af sölunni skiptist niður á þau sem taka þátt með því að selja og/eða útvega fríar eða ódýrar vörur til sölu. Tilvalið fyrir þau sem vilja safna í sinn badmintonsjóð (mótsgjöld, keppnisferðir o.þ.h.) að vera með.
Comments