Skráningu að ljúka í Meistaramót BH og RSL

Meistaramót Badmintonfélags Hafnarfjarðar og RSL verður haldið í Íþróttahúsinu við Strandgötu dagana 12.-14.febrúar 2021 (frestað í nóvember 2020). Mótið er hluti af Hleðslubikar BSÍ og gefur stig á styrkleikalista sambandsins.

Keppt verður í meistara, A- og B-flokki fullorðinna. Keppnisfyrirkomulag verður riðlar í tvíliða- og tvenndarleik en hreinn útsláttur í einliðaleik.

Vegna fjöldatakmarkanna verður ekki hægt að segja fyrirfram hvenær hvaða flokkar eða greinar eru spilaðar. Dagskrá verður birt þriðjudaginn 9.febrúar.

BH-ingar þurfa að skrá sig hér eigi síðar en fimmtudaginn 4.febrúar kl.23:59. Skráningar frá öðrum félögum þurfa að berast á excel skráningarformi BSÍ á netfangið bhbadminton@hotmail.com fyrir klukkan 16:00 föstudaginn 5.febrúar.

Mótsgjöld eru 3.500 krónur á mann í einliðaleik og 3.000 krónur á mann tvíliða- og tvenndarleik.

Glæsileg verðlaun að venju frá samstarfsaðilum BH.