top of page
Search

Næstu mót

Skráning er hafin í næstu tvö mót á mótaskrá Badmintonsambands Íslands. Hvetjum keppnisglaða BH-inga til að skrá sig. Upplýsingar um mótin má finna hér fyrir neðan en neðst í fréttinni eru almennar upplýsingar um badmintonmót.


Unglingamót Aftureldingar - 17. og 18.febrúar 2024


Staðsetning: Íþróttamiðstöðin að Varmá við Skólabraut, Mosfellsbæ


Flokkar: U13-U19 A og B - Hentar fyrir bæði byrjendur og lengra komna en athugið að allir þátttakendur þurfa að þekkja vel reglurnar og geta verið teljarar hjá öðrum. Þau sem hafa unnið til verðlauna á A mótum mega ekki taka þátt í B. Hugsanlegt er að tveir elstu flokkarnir verði sameinaðir í einhverjum greinum ef þátttaka er lítil.


Keppnisfyrirkomulag: Keppt í riðlum í einliðaleik, allir fá amk 2 leiki, en hreinn útsláttur í tvíliða- og tvenndarleik. Skipt í A og B getustig í öllum greinum.


Mótsgjöld: 2.500 kr fyrir einliðaleik og 2.000 kr á mann í hverja grein fyrir tvíliða- og tvenndarleik. Mótsgjaldið þarf að greiða inná reikning BH eigi síðar en mánudegi eftir mót: 0545-26-5010, kt. 501001-3090.


Skráning: Fer fram á þessu eyðublaði og lýkur sunnudaginn 11.febrúar.


Athugið að með því að senda inn skráningu í mótið samþykkir keppandi og/eða hans aðstandandi að nafn hans og kennitala birtist á mótavef Badmintonsambandsins, tournamentsoftware.com.


Óskarsmót KR - 24. og 25.febrúar 2024


Staðsetning: KR heimilið við Frostaskjól


Flokkar: Úrvals, 1. og 2.deild fullorðinna. Hentar aðeins fyrir vant keppnisfólk 15 ára og eldri. Hægt að fá undanþágu frá aldri í sérstökum tilfellum.


Keppnisfyrirkomulag: Hreinn útsláttur í öllum flokkum og greinum. Aukaflokkur í einliðaleik í 1. og 2.deild.


Mótsgjöld: 3.000 kr á mann í hverja grein, 9.000 kr ef keppt er í öllum greinum. Vinsamlega leggið mótsgjöld inn eigi síðar en á mánudegi eftir mót: 0545-26-5010, kt. 501001-3090.


Skráning: Skráning BH-inga fer fram á þessu eyðublaði og lýkur föstudaginn 16.febrúar. Athugið að með því að senda inn skráningu í mótið samþykkir keppandi og/eða hans aðstandandi að nafn hans og kennitala birtist á mótavef Badmintonsambandsins, tournamentsoftware.com.


Almennt um badmintonmót


Yfirlit yfir öll mót vetrarins má finna á badminton.is undir mótamál og mótaskrá.


BH-ingar sem vilja taka þátt í mótum þurfa að skrá sig á þar til gerð eyðublöð eða með tölvupósti til bh@bhbadminton.is innan skráningarfrestsins sem gefinn er upp. Mótsgjöld þarf að greiða við skráningu í Sportabler eða inná reikning BH eigi síðar en daginn eftir mót: 0545-26-5010, kt. 501001-3090.


Allir sem skrá sig á mót þurfa að kunna reglurnar nokkuð vel og treysta sér til að vera teljarar á leikjum hjá öðrum keppendum. Á lang flestum barn og unglingamótum þurfa þátttakendur að setjast upp í dómarastól að sínum leik loknum og telja stig í næsta leik á eftir.


B mót unglinga henta best fyrir krakka sem eru að stíga sín fyrstu skref í íþróttinni og styttra komna, þau sem hafa unnið til verðlauna á opnum mótum mega ekki keppa þar. A mót unglinga eru erfið fyrir þau sem ekki hafa keppt áður og er ekki mælt með því að byrja á slíku móti.


Fullorðinsmót henta aðeins fyrir mjög vant keppnisfólk 15 ára og eldri. Fullorðnir ættu að byrja á að prófa að keppa í svokölluðum trimmótum en gætu svo í kjölfarið keppt í 2.deild fullorðinna.


Um að gera að leita ráða hjá þjálfurum við val á mótum.


Aldursflokkaskiptingar barna og unglinga veturinn 2023-2024 U9 - fædd 2015 og síðar U11 - fædd 2014 og 2013 U13 - fædd 2012 og 2011 U15 - fædd 2010 og 2009 U17 - fædd 2008 og 2007 U19 - fædd 2006 og 2005



コメント


bottom of page